ⵜⵓⴷⵔⵜ ⵏ ⵡⴰⴷⴷⴰⴳ
ⴳ ⵓⵎⵣⵡⴰⵔⵓ, ⴷⴰ ⵙⵙⵓⵎⵓⵎⵏ ⵉⵥⵓⵕⴰⵏ ⵏ ⵡⴰⴷⴷⴰⴳ ⴰⵎⴰⵏ ⵉⵎⵎⵔⴽⵙⵏ ⴷ ⵓⵥⵓⵟ ⴷ ⵜⵉⵙⵏⵜ ⵏ ⵡⴰⴽⴰⵍ. ⴰⵔ ⵉⵍⵎⵎⴰ ⵜⵜⴷⴷⵓⵏ ⵖⵔ ⴰⴳⵊⵊⴰ ⵏ ⵡⴰⴷⴷⴰⴳ, ⴰⵍⵉⵏ ⴰⵔ ⵜⵉⵚⴹⵡⵉⵏ ⴷ ⵉⴼⵔⴰⵡⵏ.
ⴰⵎⴰⵏ ⴰⴷ ⵉⵙⵙⵓⵎⵓⵎ ⵡⴰⴷⴷⴰⴳ ⵙⴳ ⵉⵥⵓⵕⴰⵏ, ⵏⵇⵇⴰⵔ ⴰⵙⵏ ⵜⴰⵊⵎⵎⴰⴹⵜ. ⵙ ⵜⴰⵡⵙⴰ ⵏ ⵜⵓⴼⴰⵡⵜ ⵏ ⵜⴰⴼⵓⴽⵜ, ⴷⴰ ⵜⵜ ⵙⵙⵏⵡⴰⵏ ⵉⴼⵔⴰⵡⵏ ⵏ ⵡⴰⴷⴷⴰⴳ. ⴳ ⵡⴰⴽⵓⴷ ⴰⵏⵏ, ⴷⴰ ⴷ ⵙⵙⵓⴼⵓⵖⵏ ⵉⴼⵔⴰⵡⵏ ⵓⴽⵙⵉⵊⵉⵏ ⵉⵙⵓⵏⴼⵓⵙ ⴰⴼⴳⴰⵏ ⴷ ⵉⵎⵓⴷⴰⵔ.
ⴳ ⵓⵎⴳⴳⴰⵔⵓ, ⴷⴰ ⴷ ⵜⴻⵜⵜⴳⴳⵯⵣ ⵜⵊⵓⵎⵎⴰⴹⵜ ⴰⴷ ⵙⴳ ⵉⴼⵔⴰⵡⵏ ⴰⵔ ⵉⵥⵓⵕⴰⵏ ⴰⴼⴰⴷ ⴰⴷ ⴷ ⵉⵙⵙⵓⴼⵖ ⵡⴰⴷⴷⴰⴳ ⵉⴼⵔⴰⵡⵏ ⴷ ⵓⵊⴷⴷⵉⴳ ⴰⵎⴰⵢⵏⵓ.
ⴰⴷⴷⴰⴳ, ⵉⵜⵜⴷⴷⵔ ⵣⵓⵏ ⴷ ⴰⴼⴳⴰⵏ. ⵓⴳⴳⴰⵔ ⵏ ⵓⵢⴰ, ⴰⵔ ⴰⵏⵖ ⵢⴰⴽⴽⴰ ⵓⴽⵙⵉⵊⵉⵏ, ⵉⵙⵙⵖⵓⴷⵓ ⵜⴰⵡⵏⵏⴰⴹⵜ ⵏⵏⵖ. ⵖⵎⴽⴰⵏ ⴰ ⴼ ⴷ ⵉⵇⵇⴰⵏ ⴰⴷ ⵜ ⵓⵔ ⵉⵜⵜⴱⴱⵉ ⵓⵍⴰ ⴰⴷ ⵏⵜⵜⴽⴽⵙ ⵉⴼⵔⴰⵡⵏ ⵏⵏⵙ.
ⴰⵎⴰⵡⴰⵍ:
- ⴰⵔ ⵉⵍⵎⵎⴰ ⵜⵜⴷⴷⵓⵏ ⵖⵔ ⴰⴳⵊⵊⴰ: ⵓⵛⴰ ⵜⵜⵕⴰⵃⵏ, ⴷⴰⵢ ⴷⴷⵓⵏ.
- ⴰⵎⴰⵏ ⵉⵎⵎⵔⴽⵙⵏ: ⴰⵎⴰⵏ ⴳ ⵍⵍⴰⵏⵜ ⵜⵖⴰⵡⵙⵉⵡⵉⵏ ⵏⵏⵉⴹⵏ; ⵉⵛⵛⵓⵔⵏ; ⵉⵙⵙⵓⵔⵏ.
- ⵏⵇⵇⴰⵔ ⴰⵙⵏ: ⴷⴰ ⴰⵙⵏ ⵏⵜⵜⵉⵏⵉ; ⵉⵙⵎ ⵏⵏⵙⵏ; ⴰⵙⵙⴰⵖ ⵏⵏⵙ.
- ⵜⴰⵊⵓⵎⵎⴰⴹⵜ: ⴰⵎⴰⵏ ⵉⵜⵜⴰⵣⵣⴰⵍⵏ ⴳ ⵡⴰⴷⴷⴰⴳ.
- ⵓⴳⴳⴰⵔ ⵏ ⵓⵢⴰ: ⵙⵏⵏⵊ ⵉ ⵎⴰⵏ ⴰⵢⴰ, ⴼ ⵉⴳⴳⵉ ⵏ ⵎⴰⵢⴰⴷ.
- ⵜⴰⵡⵏⵏⴰⴹⵜ: ⴽⵓ ⵎⵉⵏ ⵉⵙⵙⵓⵜⵍⵏ ⵏⵉⵖ ⵢⵓⵏⵏⴹⵏ ⵉ ⵜⵓⴷⵔⵜ ⵏ ⵓⴼⴳⴰⵏ ⵣⵓⵏ ⴷ ⴰⵎⴰⵏ ⴷ ⵡⴰⴷⴷⴰⴳ ⴷ ⵡⴰⴽⴰⵍ ⴷ ⵉⵎⵓⴷⴰⵔ...
ⵉⵙⵇⵙⵉⵜⵏ ⵏ ⵡⴰⵔⵎⴰⵙ:
- ⵎⴰ ⴰⴷ ⴰⵏⵖ ⵉⵙⵙⴼⵔⴰⵡ ⵓⴹⵕⵉⵚ?
- ⵎⴰ ⴰⴷ ⵉⵙⵙⵓⵎⵓⵎ ⵡⴰⴷⴷⴰⴳ ⵙⴳ ⵉⵥⵓⵕⴰⵏ?
- ⵖⵔ ⵎⴰⵏⵉ ⵜⴻⵜⵜⴰⵍⵉ ⵜⵊⵓⵎⵎⴰⴹⵜ?
- ⵎⴰ ⴰⴷ ⵉⵜⵜⵊⵕⵓⵏ ⴰⴷⴷⴰⵢ ⵜⵍⴽⵎ ⵜⵊⵓⵎⵎⴰⴹⵜ ⵉⴼⵔⴰⵡⵏ?
- ⵎⴰ ⴰⴷ ⵢⴰⴽⴽⴰ ⵡⴰⴷⴷⴰⴳ ⵉ ⵓⴼⴳⴰⵏ?
- ⵎⴰⵢⵎⵎⵉ ⵉⵇⵇⴰⵏ ⴷ ⴰⴷ ⵏⴼⵔⴳ ⴰⴷⴷⴰⴳ?
- ⵎⴰ ⴰⴷ ⵉⵜⵜⴰⵡⵙⵏ ⵉ ⵡⴰⴷⴷⴰⴳ ⵃⵎⴰ ⴰⴷ ⵉⴷⴷⵔ?
- ⴰⴷ ⴷ ⵙⵙⵓⴼⵖⵖ ⴰⵙⵙⵓⴷⵙ ⵏ ⵉⵙⵙⴼⵔⵓⵜⵏ ⵉⵍⵍⴰⵏ ⴳ ⵓⴹⵕⵉⵚ.
────────────────
ⴰⵙⴰⴳⵎ: ⴰⴷⵍⵉⵙ ⵏ ⵜⵉⴼⴰⵡⵉⵏ ⴰ ⵜⴰⵎⴰⵣⵉⵖⵜ 5
ⵙⵎⴷ ⴰⵅⴼⴰⵡⴰⵍ
ⴳ ⴰⵎⵣⵡⴰⵔⵓ ⵙ ⵜⵅⴼⴰⵡⵍⴷ !